د غزې پر تړانګې د اسرائیلي رژیم له نویو بریدونو وروسته، چین، متحده عربي اماراتو او فرانسې د غزې د مسئلې په اړه د امنیت شورا د بېړنۍ غونډې غوښتنه وکړه.
د معمار پرس د خبر له مخې؛ په ملګرو ملتونو کې د متحده عربي اماراتو دايمي استازي پر خپله ټويټر پاڼه ليکلي: متحده عربي اماراتو، فرانسې او چين له امنيت شورا وغوښتل چې د چهارشنبې په ورځ (د مې ۱۰) د غزې په تړانګه کې د اندېښنې وړ پرمختګونو د څېړلو لپاره د تړلو دروازو تر شا بېړنۍ غونډه وکړي.