د کورنیو چارو وزارت او د طالبانو د ترافیکو ریاست د ښاري او کلیوالي ټکسيانو لپاره نوی رنګ معرفي کړی دی.
د معمار پرس د خبر له مخې؛ د کورنیو چارو وزارت او د طالبانو د ترافیکو عمومي ریاست د ښاري او کلیوالي ټکسيانو لپاره د ژیړ رنګ پر ځای نیلي رنګ معرفي کړ. د طالبانو ډلې د کورنیو چارو وزارت مرستیال مولوي محمد نبي عمري نن (د ثور ۱۹مه) په کابل کې په یوه خبري غونډه کې وویل چې د معیاري خدمتونو وړاندې کول زموږ له عاجل لومړیتوبونو څخه دي او هېوادوالو ته د معیاري خدمتونو وړاندې کولو ته ژمن یو.