شهباز شریف ویلي، چې پاکستان او چین د سوله ییز افغانستان لپاره اجماع لري او د سیمه ییزو ستونزو د هواري لپاره په ګډه کار کوي.
د معمار پرس د خبر له مخې؛ د پاکستان لومړي وزیر شهباز شریف پر خپل ټویټر لیکلي چې په سیمه کې د سولې او ثبات د ټینګښت په شرط د سیمې اقتصادي امکانات بیا پرانستل کیږي. هغه زیاته کړه چې د اجتماعي او دوامداره تمرکز له لارې د سولې او ثبات په برخه کې پانګونه به د سیمه ایزو اړیکو د ګټلو پایلې تضمین کړي.