افغانستان 18 جدی 1401 - 1 سال پیش زمان تقریبی مطالعه: 0 دقیقه
کپی شد!
0

د افغانستان بانک: د بشري مرستو د بندېدو په اړه خپاره شوي راپورونه حقیقت نلري

د افغانستان بانک، په ځینو رسنیو کې د بشري مرستو د بندېدو په اړه خپاره شوي راپورونه رد کړي او له حقیقت څخه یې لرې بللي دي.

د معمار پرس د خبر له مخې؛ د یاد بانک په اعلامیه کې چې نن خپره شوې، ویل شوي دي: “پرون یو شمېر رسنیو د افغانستان بانک د ویاند له قوله د نړیوالو مرسته کوونکو د بشري مرستو د بندېدو په اړه راپور خپور کړی دی چې حقیقت نلري.”
د افغانستان بانک، د رسنیو له مسئولینو څخه غوښتي چې د خبرونو په لیکلو او خپرولو کې دې د بېطرفۍ اصل ته پاملرنه وکړي او د عامه ذهنونو د خرابوالي سبب نشي.
دغه بانک څرګنده کړې چې، د هر هغه اصولي اقدام چې هېواد ته د اسعارو د راتګ او د ټولنې له اړمنو کسانو سره د مرستې لامل کېږي؛ ستاینه کوي او د بانکي سکتور د لا پیاوړتیا او ټینګښت په برخه کې به خپلې هڅې جاري وساتي.
د یادونې وړ ده چې د مرستندویو هېوادونو د بشري مرستو د لېږلو بهیر له پیله تر اوسه، د بشري مرستو ۵۴ کڅوړې چې نږدې دوه میلیارډه امریکايي ډالره کېږي؛ افغانستان ته رارسېدلې دي. د دغو مرستو وروستۍ ۴۰ میلیونه ډالري کڅوړه د روان کال د لېندۍ په ۲۳مه کابل ته رارسېدلې وه.

نویسنده
مدیر
مطالب مرتبط
  • نظراتی که حاوی فحش و افترا به هیچ عنوان پذیرفته نمیشوند
  • حتما با کیبورد فارسی اقدام به ارسال دیدگاه کنید فینگلیش به هیچ هنوان پذیرفته نمیشوند
  • موارد درگیری با کاربران در پاسخ به نظرات دیگر کاربران پذیرفته نمی‌شود.
نظرات

دیدگاهتان را بنویسید!

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *