د معمار پرس د خبر له مخې؛ د ټولګټو چارو وزارت حقوقي مشاور مولوي اغاجان سیمه ییز خبریال ته وویل، چې د ټولګټو چارو وزارت تل په دې هڅه کې دی، څو د هېواد ټولې غځېدلې لارې په پاخه او اساسي ډول ورغوي.

ورته مهال د صدیق نور افغان ساختماني شرکت مسوول حکیم الله چې د دغه سړک د رغولو چارې پرمخ وړي وویل، چي دغه سړک د ۵۰ کلیومتره اوږدوالی او ۹ متره سور لري، چې په کې یو لوی پُل، ۱۲۳ کوچني پُلګوټي هم شامل دي، چې د ۲۲ میاشتو په موده کې به یې چارې بشپړې شي.

دا په داسي حال کې ده، چې څه موده وړاندې د کندهار – روزګان ترمنځ د غځېدلې لارې د جوړېدو چارې هم پیل شوې وې.