د معمار د خبري اژانس د خبر له مخې: په کابل کې د ایران د سفارت سلاکار عباس بدریفر وايي، حسن کاظمي قومي په افغانستان کې د ایران د سفیر په توګه معرفي شوی او ټاکل شوې چې د اداري کار له پای ته رسېدو وروسته افغانستان ته راشي. حسن کاظمي قومي تر دې وړاندې د افغانستان لپاره د ایران د استازي په توګه کار کړی دی. نوموړی د ۱۴۰۰ هجري لمریز کال د اسد د میاشتې په ۲۴ مه نېټه د یوه ایراني پلاوي په مشرۍ کابل ته راغی او له طالب چارواکو سره یې خبرې اترې وکړې. دغه ایراني دیپلومات په هرات کې د ایران په کونسلګرۍ کې هم دنده ترسره کړې ده