د معمار د خبري اژانس د خبر له مخې؛ د تاجکستان ولسمشر امام علي رحمان اسلام اباد ته د خپل سفر په ترڅ کې د پاکستان له لومړي وزیر شهباز شریف سره وکتل او دواړو لورو د افغانستان په اړه پر ګډو سیاسي-امنیتي همکاریو او ګډ دریځ هوکړه وکړه. باید وویل شي، چې دواړو هېوادونو په بېلابېلو اقتصادي، انرژۍ او ټرانزیټي برخو کې د همکارۍ ډېر تړونونه لاسلیک کړي او د کاسا ۱۰۰۰ برېښنا پروژې د بشپړېدو پر اړتیا یې ټینګار کړی دی