د بښنې نړیوال سازمان د بشري حقونو د نړیوالې ورځې په مناسبت د افغانستان له خلکو سره د پیوستون د دوام غوښتنه کړې ده. د بخښنې نړیوال سازمان د سې شنبې په ورځ (د قوس ۱۹مه) په یوه ټویټ کې لیکلي، چې د بشري حقونو ورځ په داسې حال کې رارسېدلې چې طالبان په افغانستان کې له بشري حقونو څخه سرغړونې ته دوام ورکوي. د بښنې نړیوال سازمان ویلي، چې د افغانستان خلک د حقونو تر پښو لاندې کیدلو او د اوسنیو ناخوالو پر وړاندې مقاومت کوي. د بشري حقونو د ملاتړ دغه نړیوال سازمان ویلي دي: «راځئ چې د افغانستان له خلکو سره په ګډه اړیکو ته دوام ورکړو. د ډسمبر لسمه په نړۍ په جنتري کې د بشري حقونو د ورځې په توګه نومول شوې ده. سږکال دا ورځ په داسې حال کې راغله چې دوه ورځې وړاندې طالبانو په پروان کې شاوخوا ۳۰ تنه تورن نارینه او ښځې د زرګونو خلکو په مخ کې په چړو ووهلې.