د معمار وحدت د خبری آژانس د خبر له مخې؛ د طلوع نیوز د راپور له مخې، ذبیح الله مجاهد په دې اړه وویل: «په دې کې ځينې نور ټکي چې دلته ياد شوي دي لکه د مجازاتو لرې کول او له افغانستان سره د اړيکو عادي کول دي چې له بده مرغه امريکا په دې برخه کې اقدام نه دی کړی، موږ هم غواړو چې عملي ګامونه پورته کړي.

د سرچينې په وينا، د دوحې د تړون له لاسليک او له افغانستان څخه د امريکايي ځواکونو او د هغه متحدينو له وتلو وروسته، واشنګټن او کابل يو پر بل د دوحې له تړون څخه په سرغړونې تورنوي.

د طالبانو د حکومت ویاند زیاتوي، چې د واشنګټن له لوري د بندیزونو د نه لېرې کېدو دوی نورو هېوادونو ته په سفر کې له ستونزو سره مخ کړي دي. نوموړی له امریکا غواړي چې پر سرپرست حکومت لګېدلي بندیزونه لیرې کړي.

د طالبانو د حکومت ویاند ویلي: “کله ناکله زموږ سفرونه له ستونزو سره مخ کیږي، ټول سفرونه نه، سیاسي سفرونه نه، سوداګریز سفرونه نه، خو کله ناکله ځینې سفرونه له ستونزو سره مخ کیږي او دا ستونزه د هغه چا په اوږو ده چې پر افغانستان یې بندیزونه لګولي دي.”

د بهرنیو ځواکونو خوندي وتل، د یوه ټول شموله حکومت رامنځته کول، بین الافغاني خبرې اترې او د امریکا او د هغه متحدینو پر وړاندې د ترهګرو نه عملیات د افغانستان خاوري څخه د دوحې د تړون له څلورو اساسي برخو څخه دي.

له بلي خوا د امریکا جګپوړي چارواکي، اروپايي اتحادیې، روسیې او د منځنۍ اسیا هېوادونو تل د افغانستان له خاورې د ترهګرو د کار اخیستو په اړه اندېښنه ښودلې، خو د طالبانو حکومت دغه ادعاوې ردوي.