معمار وحدت د خبر له مخې : د راپورونو له مخې، له څه مودې راهیسې د پولې د صفري نقطې د پلټنې، له ایران سره پر پوله د افغان پوله ساتو د کمپونو د بیارغونې چارې پیل شوې دي.

د لوړ پوړو پوځي امنیتي چارواکو یو پلاوی له ایران سره پر پوله پروت ولایت نیمروز ته تللی چې د پوستو د بیا فعالولو بهیر وڅاري.

د دغه پلاوي مشري د ملي دفاع وزارت د ستراتیژۍ او استخباراتو رئیس ملا محمد شیرین اخند او د کورنیو چارو وزارت د سرحدي پولیسو مشر جنرال شیر محمد شریف کوي.

دوی د نیمروز له سیمه ییزو چارواکو سره سرحدي نقطو ته ولاړل او له ایران سره یې د نیمروز د سرحدي پوستو د بیارغونې د بهیر د ګړندي کولو پر لارو چارو خبرې وکړې.