طالبان: د افغانستان دښمنانو د بندیزونو په لګولو سره اقتصادي جګړه پیل کړې ده

د معمار پرس د خبر له مخې؛ د طالبانو د اقتصاد وزیر ویلي، نړۍ د بندیزونو په لګولو سره له افغانستان سره اقتصادي جګړه پیل کړې ده. د طالبانو د اقتصاد وزیر دین محمد حنیف په کندهار کې په یوه غونډه کې وویل: نړۍ هڅه کوي چې د افغانستان پر اقتصادي سکټور د بندیزونو په لګولو سره د افغانستان اقتصاد کمزوری کړي. هغه زیاته کړه: “دښمن ارام نه دی او له موږ سره په نرمه او اقتصادي جګړه کې دی.” دوی غواړي چې په افغانستان کې داسې یو حالت رامنځته کړي چې هیڅ کورني او بهرني شرکت په افغانستان کې پانګونه ونه کړي.