د عامې روغتیا وزارت سرپرست د افغانستان لپاره د ملګرو ملتونو د پراختیايي پروګرام (UNDP) له رئیس سره وکتل

د معمار پرس د خبر له مخې، د طالبانو د عامې روغتیا وزارت د خبرپاڼې له مخې، د دغه وزارت سرپرست نور جلال جلالي نن سه شنبه د اسد ۱۶مه د افغانستان لپاره د ملګرو ملتونو د پراختیايي پروګرام (UNDP) له مشر سټیفن روډریک او ورسره ملګري پلاوي سره وکتل. د سرچينې د معلوماتو له مخې، په دې کتنه کې دواړو لورو د هېواد په روغتيايي مرکزونو کې د لمريزې برېښنا د سيسټم پر جوړولو، د ملاريا، نري رنځ او ايچ آی وي (ايډز) ناروغيو د مخنيوي او روغتيايي خدمتونو په اړه خبرې وکړې. سرچينه زياتوي، چې د UNDP دفتر مشر له افغانستان سره په يادو برخو کې د يادې ادارې د همکاريو د دوام ډاډ ورکړ.