د پاکستان پوځ: له افغانستان سره پوله په یو اړخیزه توګه نه شي ساتل کېدای

د معمار پرس د خبر له مخې د پاکستان د پوځ ویاند احمد شریف چوهدري پرون په یوه غونډه کې ادعا وکړه چې د طالبانو حکومت پاکستان ته د قاچاق او غیر قانوني تگ و راتگ د مخنیوي اراده نه لري. چوهدري وویل: موږ د پاسپورت او ویزې پالیسي پلي کوو. چیرې چې اراده شتون نلري. هغه زیاته کړه چې په نړۍ کې هیڅ پوله حتی د امریکا او مکسیکو پوله هم په بشپړ ډول کنټرول نه لري. د پاکستان د پوځ ویاند دا هم وویل چې پاکستان دومره پیسې، ټیکنالوژي او ډرون نه لري چې د پولې په بشپړه توګه څارنه وکړي.