د امریکا دفاع وزیر: په افغانستان کې له ترهګرۍ سره مبارزه دوام لري
د امریکا دفاع وزیر په افغانستان کې د امریکا د پوځي حضور د پای ته رسېدو د یو کالیزې په مناسبت د پنټاګون ځواکونو ته په یوه پیغام کې په دغه هېواد کې له ترهګرۍ سره پر مبارزې ټینګار کړی دی.
د معمار وحدت د خبری آژانس د خبر له مخې؛ په دې وروستیو کې په افغانستان کې د امریکا د پوځي حضور د لومړۍ کلیزې په مناسبت په یوه پیغام کې د امریکا دفاع وزیر لوید آسټن د پنټاګون پر ځواکونو ټینګار کړی چې په دې هېواد کې له ترهګرۍ سره پر مبارزې تمرکز وکړي.
هغه د القاعدې او داعش په خلاف وروستیو کامیابو عملیاتو ته په اشارې سره وویل: هیڅ دښمن نه دی توانیدلی چې له افغانستان او د نړۍ له کوم ځای څخه زمونږ په خاوره برید وکړی.
په دغه پیغام کې چې د اګست په ۳۰مه نېټه یې د «افغانستان د جګړې د پای ته رسېدو» د یوه کال په مناسبت ویلي وو، آسټن ټینګار کړی چې جګړه د دفاع لپاره اړینه وه او القاعده وتوانېده چې د سپټمبر د ۱۱ مې وحشتناک بریدونه پلان او عملي کړي.
هغه د امریکايي پوځیانو د قربانیو د “ژورې ستاینې” په ترڅ کې وویل چې په افغانستان کې د دوی حضور پر امریکا د بریدونو مخه نیولې وه.
د امريکا د دفاع وزير د تروريستانو د تعقيب د دوام او د القاعدې د مشر ايمن الظواهري او د اسامه بن لادن مرستيال ته په سزا ورکولو کښې د وروستيو برياليتوبونو په بيانولو سره وويل: مونږ پوهيږو چې دغه کار نه دى ختم شوى.
آسټن دا هم یادونه وکړه چې “په وروستیو میاشتو کې، د امریکا پوځ په بریالیتوب سره د داعش د مهمو مشرانو په وړاندې عملیات ترسره کړي دي.”
په همدې حال کې طالبانو د اګست ۳۱ له افغانستانه د امریکايي ځواکونو د وتلو او د امریکا د ماتې د یو کالیزې په مناسبت عمومي رخصتي اعلان کړه.