د هرات – تورغونډۍ د اورګاډي پټلۍ پر جوړولو د طالبانو ټینګار

د معمار پرس د خبر له مخې: د ترکمنستان د اورګاډي ادارې له مشر آزاد عطا مرادوف او ورسره ملګري پلاوي سره په کتنه کې په هرات کې د طالبانو والي نوراحمد اسلام‌جار د هرات – تورغونډۍ د اورګاډي کرښې د جوړېدو په اړه خبرې وکړې. د سرچينې د معلوماتو له مخې، د هرات والي د هرات – تورغونډۍ د پټلۍ د جوړولو په بېلابېلو برخو کې د کار د بهير د چټکتيا لپاره د سيمه ييزې ادارې د همکارۍ ډاډ ورکړ. همدا راز په دې کتنه کې د ترکمنستان پلاوي وړاندیز وکړ چې د دواړو خواوو تخنیکي ډلې او کارپوهان دې د هرات – تور ګاندي پټلۍ له لارې لیدنه وکړي.