د ترکمنستان او پاکستان ترمنځ د ټاپي پروژې د تطبیق د چټکتیا هوکړه وشوه

پاکستاني رسنیو په یوه مهم خبر کې اعلان کړی، چې د پاکستان او ترکمنستان حکومتونو د طالبانو په ګډون د ټاپي د ګازو د نل لیکې د پروژې په چټکولو هوکړه کړې ده. د ټاپي پروژه چې له ترکمنستان څخه افغانستان، پاکستان او هند ته د طبیعي غاز د انتقال لپاره له ۱۹۹۰ کال راهیسې وړاندیز شوې، خو د امنیتي ستونزو او مالي ننګونو له امله نه ده عملي شوې. په دغه نوي تړون سره د دغې سترې سيمه ييزې پروژې د تطبيق او د ګډون کوونکو هېوادونو له ګټو څخه د برخمن کېدو لپاره هيلې زياتې شوې دي.