د جاپان سفیر په قطر کې د طالبانو د سیاسي دفتر له مشر سره وکتل

د معمار پرس د خبر له مخې: په کابل کې د جاپان سفیر تاکایوشي کورومیا په قطر کې د طالبانو د حکومت د سیاسي دفتر له مشر سهیل شاهین سره وکتل او د کوکنارو د کښت پر متبادلو او د معتادینو د درملنې پروژو یې خبرې وکړې. ښاغلي شاهین د ایکس ټولنیزې پاڼې (پخواني ټویټر) کې لیکلي چې په کابل کې یې له سفیر جان سره د دوه اړخیزو اړیکو، د کوکنارو د بدیل پروژې او د معتادینو د درملنې په اړه خبرې کړې دي. شاهین زیاتوي، چې دغه لیدنه په قطر کې وشوه او د جاپان له سفیر څخه یې د روغتیا په برخه کې د همکارۍ غوښتنه وکړه.