د بنګله دېش د محصلینو په مظاهرو کې ۱۷۳ تنه وژل شوي او تر ۱۲۰۰ زیات نیول شوي دي

د معمار پرس د خبر له مخې؛ AFP د سه شنبې په ورځ راپور ورکړ چې په بنګله دیش کې د زده کونکو په تاوتریخجنو مظاهرو کې لږترلږه 173 کسان وژل شوي او له 1,200 څخه ډیر نیول شوي دي. دا مظاهرې له څو ورځو راهیسې د پلازمېنې ډاکې په ګډون په بېلابېلو ښارونو کې روانې دي. له پاکستان څخه د هېواد د خپلواکۍ په جګړه کې د ګډون کوونکو کورنیو ته د ۳۰ سلنه دولتي دندو د وېش پر سر د محصلینو له خوا له څو ورځو راهیسې تاوتریخوالی روان دی. د بې روزګارۍ او د کافي کارونو نشتوالي پر ضد احتجاج کوي، محصلین غواړي چې دا حکومتي کوټه لغوه کړي.