جرمني چارواکي: د افغانستان د خلکو ملاتړ ته دوام ورکوو
د جرمني د اقتصادي همکاریو او پراختیا وزیر وايي، هېواد به یې د افغانستان له خلکو سره خپلو مرستو ته دوام ورکړي.
د معمار پرس د خبر له مخې: د جرمني د اقتصادي همکاریو او پراختیا وزیره سوینيا شولتسه وايي، هېواد یې غواړي په کلنۍ بودجه کې د پیسو له کمښت سره سره د افغانستان له خلکو سره مرستو ته ژمن پاتې شي. د جرمني د اقتصادي همکاریو او پراختیا د وزارت وزیرې سوینیا شولتسه، د پروتوست خبري آژانس “ای پی دی” ته وویل: موږ په افغانستان کې د خلکو ملاتړ ته ژمن یو، ځکه چې [د هغوی] اړتیاوې ډیرې پاتې دي. دا په داسې حال کې ده چې په دې وروستیو کې د جرمني د نړیوالو همکارانو ټولنې ویلي چې له افغانستانه به ووځي. بايد يادونه وشي، چې د طالبانو د حکومت له پرځېدو سره په هېواد کې اقتصادي کړکېچ لاپسې زيات شوى دى. د ملګرو ملتونو د یوه تازه راپور له مخې، دا مهال شاوخوا ۲۳ میلیونه وګړي، چې د افغانستان د نفوس له نیمايي ډېر دي، بشري مرستو ته اړتیا لري.