د افغانستان د کانونو وزیر د ازبکستان له پلاوي سره د افغانستان د کانونو د پروسس او صادراتو په اړه خبرې وکړې
د کانونو او پټرولیم وزیر او ازبکستاني پلاوي د کانونو د صادراتو او پروسس په اړه خبرې کړې دي.
د معمار پرس د خبر له مخې: د طالبانو د کانونو او پټرولیم وزیر هدایت الله بدری د افغانستان د کانونو او جیولوجی وزارت د معین قدیرایوف په مشرۍ د ازبکستان له پلاوی سره وکتل او د دوه اړخیزو همکاریو د پیاوړتیا او د هېواد د کانونو د صادراتو او پروسس په اړه یې خبرې وکړې.
د افغانستان د کانونو وزارت د خبرپاڼې له مخې ښاغلي بدري په دې کتنه کې د دواړو هېوادونو ترمنځ د ګډو مطالعاتو او د کانونو د څېړنې په برخه کې د لاسلیک شویو هوکړه لیکونو پر عملي کېدو ټینګار وکړ.
هغه زیاته کړه، ازبک پانګوال کولی شي په افغانستان کې د هایدروکاربن او جامدو کانونو د استخراج او پروسس په برخه کې پانګونه وکړي.
تر دې مخکې ازبکستاني پانګوالو د افغانستان د کانونو په سکتور کې پانګونې ته چمتووالی ښودلی و.