په پنجشیر کې د زمردو د صادراتو د پراختیا لومړنی نندارتون پرانیستل شو

د معمار پرس د خبر له مخې، په پنجشیر کې سیمه ییز چارواکي وايي، چې د زمرد د صادراتو، کرنیزو محصولاتو او لاسي صنایعو د پراختیا په لومړي نندارتون کې د دغه ولایت دولتي چارواکو، سیمه ییزو چارواکو او کورنیو او نړیوالو سوداګرو ګډون کړی و. په دغه ولایت کې د طالبانو والي محمد اغا حکیم وايي، دغه نندارتون د پنجشیر زمرد ته په ملي او نړیواله کچه د بازار موندنې په موخه په لاره اچول شوی و. د راپورونو له مخې، د دغه ولایت له ۵۵۰ کانونو څخه د زمرد او یاقوت د استخراج بهیر دوام لري او څه باندې ۱۲ زره کسان په کې په کار بوخت دي.