د ملګرو ملتونو د عمومي منشي مرستیال د قطر د بهرنیو چارو له مرستیال سره د افغانستان او سیمې پر حالاتو خبرې کړې دي.
د معمار پرس د خبر له مخې: د قطر د بهرنیو چارو وزارت په یوه خبرپاڼه کې ویلي، چې د دغه هېواد د بهرنیو چارو مرستیال وزیر محمد بن عبدالعزیز بن صالح الخلیفي او د ملګرو ملتونو د سرمنشي مرستیالې روزماري ډیکارلو ترمنځ د افغانستان او سیمې د حالاتو په اړه د لیدنې او بحثونو خبر ورکړی دی. د سرچينې د معلوماتو له مخې، د دغه هېواد د بهرنيو چارو وزارت مرستيال محمد بن عبدالعزيز بن صالح الخليفي په سياسي چارو او د سولې په چارو کې د ملګرو ملتونو د سرمنشي له مرستيالې روزماري ډي کارلو سره وکتل او دواړو لورو د افغانستان په اړه خبرې وکړې. خبرپاڼه زیاتوی، چې په دې کتنه کې د سیمې په تېره بیا د افغانستان پر وروستیو پرمختګونو خبرې وشوې.