د طالبانو د کانونو وزارت د افغانستان په کانونو کې د یو میلیارد افغانیو د پانګونې اعلان وکړ

د معمار پرس د خبر له مخې؛ د افغانستان د کانونو او پټرولیم وزارت چارواکي د افغانستان په کانونو کې پانګونې ته د کورنیو پانګوالو د لېوالتیا زیاتېدو ته اشاره کوي او وايي چې د روان هجري لمریز کال له پیل راهیسې د افغانستان په وړو او لویو کانونو کې شاوخوا یو میلیارد افغانۍ پانګونه شوې ده. د دغه وزارت چارواکي وايي، چې تر اوسه یې کوچني او لوی قراردادونه لاسلیک کړي، چې ارزښت یې یو میلیارد افغانیو ته رسېږي. د دوی په وینا د کانونو ټول قراردادونه له کورنیو شرکتونو سره لاسلیک شوي دي. د دغه وزارت چارواکي زیاته کړه چې د کانونو په برخه کې د پراخو پانګونو د جلبولو هڅې دوام لري.