د کابل او اسلام اباد د ترینګلو اړیکو په اړه د پاکستان د جمعیت علمای اسلام د مشر خبرداری

د معمار پرس د راپور له مخې، د پاکستان د جمعیت علمای اسلام مشر مولانا فضل الرحمن خبرداری ورکړی چې له افغانستان سره ترینګلې اړیکې د هغه هېواد په ګټه نه دي. فضل الرحمن پرون په یوه خبري غونډه کې وویل: د افغانستان او پاکستان د اړیکو د ښه کولو لپاره مې پوره هڅه کړې او په پوره باور او د ټولو په مخکې وایم چې موږ په بریالیتوب سره (له افغانستان څخه) راستانه شوي یو. دا په داسې حال کې ده، چې له تېرو دوو کلونو راهیسې د کابل او اسلام اباد اړیکې له بې سابقې ترینګلتیا سره مخ دي او دواړه لوري یو پر بل د دښمنانه سیاستونو په خپلولو تورنوي.