طالبان: په افغانستان کې د غنمو کښت تر دوو میلیونو هکتارو زیات شوی دی

د معمار پرس د خبر له مخې؛ د طالبانو د کرنې، اوبولګولو او مالدارۍ وزارت اعلان وکړ چې سږ کال څه باندې دوه میلیونه هکتاره ځمکه د غنمو کښت ته ځانګړې شوې ده. د دغه وزارت له خوا د پنجشنبې په ورځ په یوه خپره شوې خبرپاڼه کې راغلي چې د وړاندوینې له مخې به سږ کال په ټول افغانستان کې شاوخوا ۲.۱۴ میلیونه هکتاره ځمکه د غنمو تر کښت لاندې وي. طالبان تمه لري چې له دغو کروندو څخه به ۴.۹ میلیونه مټریک ټنه غنم راټول شي چې د تېر کال په پرتله ۱۳ سلنه ډېر دي. د غنمو په کښت کې دا زیاتوالی د طالبانو له خوا د کوکنارو د کښت د مخنیوي او د کروندګرو هڅول دي چې د غنمو پر ځای یې وکرل شي.