د دوحې له دریمې غونډې مخکې د امنیت شورا غونډه د افغانستان په اړه تمرکز کوي

د معمار پرس د خبر له مخې؛ د ملګرو ملتونو امنیت شورا د سرطان په لومړۍ نېټه، یعنې د دوحې له درېیمې غونډې نه ۹ ورځې مخکې د افغانستان په اړه د یوې غونډې جوړولو اعلان وکړ. امنیت شورا ویلي په افغانستان کې د ملګرو ملتونو استازی (یوناما) به په دې غونډه کې د دې شورا غړو ته خپل راپور وړاندې کړي. له بلې خوا د بشري حقونو په برخه کې د ملګرو ملتونو ځانګړی استازی ریچارډ بینیټ به د سرطان میاشتې په لومړۍ نېټه د ملګرو ملتونو د بشري حقونو شورا ته په افغانستان کې د بشري حقونو د وضعیت په اړه خپل نوی راپور وړاندې کړي. د ملګرو ملتونو امنیت شورا له طالبانو سره د حکومت د تعامل میکانیزم او د افغانستان لپاره د دغه سازمان د ځانګړي استازي د لارې نقشه تصویب کړه.