په غزه کې له اته میاشتنۍ جګړې وروسته د امنیت شورا په غزه کې د اوربند لپاره د امریکا پرېکړه لیک تصویب کړ

د معمار پرس د خبر له مخې؛ بالاخره د غزې په وړاندي د اسرایلو له اته میاشتنۍ جګړې او له تل ابیب سره د واشنګټن د پراخ ملاتړ او د حماس د غورځنګ په ماتولو کښې له ناکامۍ سره سره د امریکا د ولسمشر جوبایډن لخوا په غزه کې د اسراییلو او حماس ترمنځ د اوربند د رامنځته کولو وړاندیز شوی پلان د ملګرو ملتونو د امنیت شورا د ۲۷۳۵ پریکړه لیک له مخې تصویب شو. په امنیت شورا کې د امریکا استازي ویلي، که حماس دغه پرېکړه لیک ومني، امریکا به تضمین ورکړي چې اسرائیل به دغه پرېکړه لیک ومني. هغه زیاته کړه: د امریکا لخوا وړاندیز شوی تړون اوس د اسرائیلو غوښتنې پوره کوي او غزې ته د مرستو د داخلیدو اجازه ورکوي.