د افغانستان د کرکټ ملي لوبډلې په نړیوال جام کې دویمه بریا خپله کړه

د معمار پرس د خبر له مخې؛ د افغانستان د کرکټ ملي لوبډلې د کرکټ د شل اوریز نړیوال جام په سیالیو کې په خپله دویمه لوبه کې نیوزیلنډ ته ماتې ورکړه. دا په دغو سیالیو کې د افغانستان دویمه پرله پسې بریا وه. د افغانستان د کرکټ ملي لوبډلې د شل اوریز نړیوال جام په سیالیو کې چې نن شنبه د جوزا په ۱۹مه ترسره شوه، د نیوزیلنډ پیاوړې لوبډلې ته ماتې ورکړه. افغانستان په خپله تېره لوبه کې یوګانډا ته ماتې ورکړې وه. د افغانستان د کرکټ ملي لوبډله راتلونکې لوبه د جون په ۱۴مه د پاپوا نیو ګیني سره کوي.