د کرملین ماڼۍ اعلان کړی چې د روسیې ولسمشر ولادیمیر پوتین به په سیمه کې د وروستیو پرمختګونو د کتنې لپاره ازبکستان ته ولاړ شي.
د معمار پرس د خبر له مخې؛ د کرملین ماڼۍ د مطبوعاتي دفتر په وینا د روسیې ولسمشر ولادیمیر پوتین د ازبکستان له ولسمشر شوکت میرضیایف سره په کتنه کې د سیمې د وروستیو پرمختګونو د ارزونې لپاره ازبکستان ته په دوه ورځني سفر تللی دی. د کرملین په وینا، پوتین او میرضیایف باید د دوه اړخیزو اړیکو، ستراتیژیکو همکاریو او د دواړو هیوادونو ترمنځ د اړیکو د لا پراختیا لپاره د اوسنیو شرایطو او امکاناتو په اړه خبرې وکړي. د کرملین په خبرپاڼه کې ویل شوي: د دې دوه ورځني سفر په ترڅ کې به د روسیې او ازبکستان ولسمشران د سیمې د اوسنیو ستونزو په اړه د نظر تبادله وکړي. د دغه سفر کره نېټه نه ده ټاکل شوې.