د سېلاب ځپلو لپاره د ایران بشري مرستې د دغه هېواد شمال ته ورسېدې

د معمار پرس د خبر له مخې: د ایران د سرې میاشتې ټولنې د نړیوالو چارو مرستیالې راضیه عالیشوندي اعلان وکړ چی دغه مرستې د بشري مرستو په چوکاټ کې افغانستان ته استول شوي دي. په ورته وخت کې په بلخ ولایت کې د طالبانو سیمه ییز چارواکي وايي چی دغه مرستې وړونکې الوتکه پرون د مزارشريف په هوايي ډګر کې ښکته شوه. د سرچينې په وينا، په دغو مرستو کې خوراکي توکي، درمل، غالۍ، کمپلې، خېمې او نور اړين توکي شامل وو.