ارمنستان او اذربایجان د سولې د خبرو د دوام لپاره د سرحدونو په ټاکلو موافقه وکړه

د معمار پرس د خبر له مخې؛ د ارمنستان او اذربایجان د بهرنیو چارو وزیرانو په آلماتی ښار کې د خپلو دوه ورځنیو خبرو په پای کې د دواړو هېوادونو ترمنځ د سولې د موافقې او د سرحدونو د ټاکلو په اړه د اختلافاتو د حل لپاره د سلا مشورو پر دوام موافقه وکړه. د ارمنستان او اذربایجان د بهرنیو چارو وزیرانو ترمنځ خبرې اترې د جمعې او شنبې په ورځو (د می ۱۰-۱۱) د قزاقستان په آلماتی ښار کې ترسره شوې. د ارمنستان د بهرنیو چارو وزیر د جمعې په ورځ له بایراموف سره له کتنې وروسته وویل چې ایروان او باکو باید په سیمه کې د ترانسپورتي چینلونو د پرانستلو لپاره ډیر څه وکړي. د آذربایجان د بهرنیو چارو وزیر په خپله وینا کې وویل چې د ګډې پولې په یوه برخه کې د سرحدي ستنو د نصبولو کار بشپړ شوی دی