بهرامي: په کابل کې د الظواهري مرګ په طالبانو کې د بې باورۍ لامل شوی دی
په افغانستان کې د ایران پخوانی سفیر محمد رضا بهرامي وايي، په کابل کې د القاعدې د مشر وژل کېدل د طالبانو پر وړاندې د بې باورۍ د دوام لامل شوی دی.
د معمار وحدت د خبری آژانس د خبر له مخې؛ په افغانستان کې د ایران پخواني سفیر ښاغلي بهرامي په خپل ټویټر کې لیکلي چې په کابل کې د الظواهري مړینه د طالبانو پر وړاندې د بې باورۍ لامل شوی دی.
د هغه په وينا، دا پېښه په لومړي سر کې د افراطي او تروريستي خوځښتونو په وړاندې د مقابلې او يا د شتون په برخه کې د طالبانو د دوامداره بې باورۍ سبب شوې ده. وروسته په طالبانو کې د یو فرد یا ډلې په نظر کې د دې مفکورې باطلول کولی شي دا حساسه لوبه په دواړو خواوو کې ترسره کړي.
دا په داسې حال کې ده چې د القاعدې مشر ایمن الظواهري شاوخوا درې اونۍ وړاندې د کابل په شیرپور سیمه کې د امریکا د بې پیلوټه الوتکې په برید کې ووژل شو.
د طالبانو حکومت تر اوسه په دغه برید کې د القاعدې د مشر وژل کېدل رد او نه يې تایید کړي دي. خو دوي وويلي دي چې په دې اړه پلټنې روانې دي.