ایران او افغانستان د بانکي او سوداګریزو اړیکو د پیاوړتیا په لټه کې دي

د افغانستان د مرکزی بانک مشر هدایت الله بدری په کابل کښې د ایران د اسلامی جمهوریت له سفیر او خاص استازی حسن کاظمی قمی سره په کتنه کښې د دواړو هېوادونو ترمینځ د تجارتی او بانکی ملګرتیاو په پراختیا ټینګار وکړ. په دې کتنه کې چې نن (پنجشنبه د ثور په ۶مه) ترسره شوه، دواړو لورو د افغانستان او ایران ترمنځ د اقتصادي اړیکو د زیاتوالي او د پولي او بانکي تبادلو د اسانتیاوو پر لارو چارو خبرې وکړې. باید و ویل شي، چې په کابل کې د ایران د سفیر په مشرۍ د ایران یوه ډیپلوماتیک پلاوي نن د طالبانو د لومړي وزیر له اقتصادي مرستیال ملا عبدالغني برادر سره وکتل. په دې کتنه کې دواړو لورو د اقتصادي مسایلو او د دواړو هېوادونو ترمنځ د سوداګریزو اړیکو او اقتصادي همکاریو د پراختیا پر لارو چارو د نظر تبادله وکړه.