په کابل کې د ښځو د حقونو درې فعالان له خپل ورور سره یو ځای ونیول شول

ولسي سرچینو اعلان کړی، چې طالب ځواکونو په کابل ښار کې درې اعتراض کوونکي نجونې له خپل ورور سره یو ځای نیولي دي. د معمار پرس د خبر له مخې؛ دغه څلور کسان د چهارشنبې په ورځ د حمل ۸مه د کابل ښار په دشت برچي سیمه کې له خپل کور څخه نیول شوي دي. په همدې حال کې د دغو څلورو تنو خپلوانو هم د طالبانو له خوا د هغوى نيول کېدل تاييد کړي دي. د يادو کسانو د نيولو دقيق لامل نه دى څرګند او وسله والو طالبانو هم په دې اړه څه نه دي ويلي.