د ایران په البرز ولایت کې د مهاجرو محصلینو تنظیمول

د معمار پرس د خبر له مخې؛ د البرز ولایت د بهرنیو اتباعو او مهاجرینو چارو ریاست د عامه اړیکو د ریاست د معلوماتو له مخې، د بهرنیو مهاجرینو د محصلینو د تنظیم غونډه د سیاسي، امنیتي او ټولنیزو چارو مرستیال ولي پور په مشرۍ جوړه شوه. د دې تر څنګ سیاسي، امنیتي او ټولنیز مرستیال وویل: په البرز ولایت کې میشت بهرني مهاجر محصلین زموږ مېلمانه او د ایران کلتوري سفیران دي. د دغې غونډې په پای کې له هراړخیزو بحثونو او د نظرونو له تبادلې وروسته د بهرنیو مهاجرو محصلینو د تنظیم او په سهما سیستم کې د هغوی د ثبتولو د بهیر د چټکتیا په اړه تصمیمونه ونیول شول.