فنلنډ: د زده کړو حق د افغان نجونو د راتلونکي نسل لپاره حیاتي دی

د معمار پرس د خبر له مخې؛ ساني ګران لاسونن؛ د فنلینډ د ټولنیز امنیت وزیر د چهارشنبه په شپه وویل چی په افغانستان کې نجونې او ماشومان، لکه د نړۍ د ټولو ماشومانو په څېر، د باکیفیته زده کړو مستحق دي. په ملګرو ملتونو کې د فلاند دایمي استازي په خپله ایکس پاڼه کې لیکلي چې ساني ګران لاسونن د ښځو د وضعیت په اړه د ملګرو ملتونو د کمیسیون په ۶۸مه غونډه کې ګډون وکړ. په دې کتنه کې هغه ټینګار وکړ چې د تعلیم حق په افغانستان کې د نجونو د راتلونکي نسل لپاره حیاتي دی. په دې غونډه کې یو شمېر ښځینه فعالانو هم خبرې وکړې او د افغان ښځو په وړاندې یې د طالبانو سیاستونه «جنسي تبعیض» وبلل.