طالبانو په تېرو دوو میاشتو کې د څه باندې ۳۰۰ زره پاسپورټونو د وېش اعلان کړی دی

د معمار پرس د خبر له مخې؛ د طالبانو د کورنیو چارو وزارت د پاسپورت ریاست ویاند اعلان وکړ چې دوی د دلو میاشتې له پیل څخه د حوت د میاشتې تر ۲۱ نیټې پورې ۳۲۶ زره پاسپورټونه ویشلي دي. د طالبانو د کورنیو چارو وزارت د پاسپورت ریاست ویاند نورالله پتمن وايي، دغې ادارې د دلو میاشتې له پیل څخه د حوت میاشتې تر ۲۱ مې نیټې پورې ۱ میلیارد ۸۴۴ میلیونه افغانۍ راټولې کړي دي. د هیواد د اتباعو د کډوالۍ د زیاتوالي له امله د پاسپورتونو غوښتنه لوړه ده. په ورته وخت کې، د پاسپورت ترلاسه کولو پروسه خورا ورو ده. د هېواد یو شمېر اوسېدونکي وايي، چې د پاسپورت ترلاسه کولو لپاره یې له یو کال زیات انتظار وکړ. د افغانستان پاسپورت اوسمهال د دغه هېواد د تېر حکومت له لوګو سره وېشل کېږي.