امریکايي سناتور له افغانستان سره د واشنګټن د مرستو د بندولو غوښتنه وکړه

د معمار پرس د خبر له مخې؛ د امریکايي چارواکو له دې اندېښنې وروسته چې طالبان له نړیوالو مرستو ناوړه ګټه پورته کوي، امریکايي سناتور مارکو روبیو د طالبانو تر واک لاندې افغانستان ته د ملګرو ملتونو له لارې د واشنګټن د مالي مرستو د بندېدو غوښتنه وکړه. مارکو روبیو له فاکس نیوز سره په مرکه کې د ملګرو ملتونو له لارې افغانستان ته د واشنګټن د مالي مرستو د بندولو پلان وړاندې کړ. دغه امریکايي سناتور وویل: تر هغه چې دا یقیني شي چې بشري مرستې د ترهګرو ډلو د پیاوړتیا په هدف نه کارول کیږي، ملګري ملتونه باید د طالبانو د واکمنۍ پر مهال له افغانستان سره خپلې مرستې بندې کړي.