ترکیې له داعش سره د همکارۍ په تور د ۳۳ کسانو د نیولو اعلان وکړ

د معمار پرس د خبر له مخې؛ د اناتولي په وینا؛ د ترکیې د کورنیو چارو وزیر علي یرلی‌کایا د یکشنبې په ورځ (د مارچ ۱۰مه) دا خبر ورکړ چی په ساکاریا ولایت کې د «بزدوغان-۱۱» په نوم د عملیاتو په ترڅ کې ۳۳ تنه له داعش ترهګرې ډلې سره د همکارۍ په تور نیول شوي دي. یرلی‌کایا زیاته کړه: “د بزدوغان – 11 عملیاتو په جریان کې چې په ساکریا کې په ورته وخت کې ترسره شوي 33 شکمن کسان نیول شوي. مشکوکانو د سیمه ایزو ټاکنو څخه دمخه د تخریب کار کولو چمتووالی نیولی و.” په همدې حال کې په روانه میاشت کې د ترکیې د استخباراتو سازمان او د ترکیې پولیسو اوه تنه د اسراییلو د استخباراتو او ځانګړو عملیاتو سازمان (موساد) ته د “معلوماتو پلورلو” په تور ونیول. تېره میاشت هم د ترکیې امنیتي ځواکونو ۱۸ تنه د داعش ډلې د غړیتوب په تور نیولي وو.