اوچا: په افغانستان کې ۵۲ سلنه اړمنې ښځې او نجونې دي

د بشري مرستو د همغږۍ لپاره د ملګرو ملتونو دفتر اوچا د یکشنبې په ورځ (د حوت ۲۰مه) په ایکس کې اعلان وکړ چی په افغانستان کې ۵۲ سلنه خلک چې بشري مرستو ته اړتیا لري ښځې او نجونې دي. اوچا په دوام وویل چې په 2023 کې اته میلیونه نجونې او 9.2 ملیونه میرمنو سره مرسته شوې ده. د اوچا په وینا، په 2024 کې، د 23.7 ملیون خلکو څخه چې بشري مرستو ته اړتیا لري، 52٪ یې ښځې او نجونې دي. دغه دفتر د افغان ښځو او نجونو ملاتړ اړین بولي او وايي، چې د دغه هېواد د کړکېچ تر ټولو ډېر اغېز پر دوی دی.