په خوست کې د پخواني امنیه قوماندان وژل کېدل

د پخواني حکومت د امنيتي ځواکونو يو قوماندان په خوست ښار کې يوې امنيتي پوستې ته څېرمه د نامعلومو وسله والو له خوا په ډزو وژل شوی دی. دغه پخوانی سرتېری د پنجشنبې په ورځ د حوت په ۱۷مه د خوست ښار په مرکز کې ووژل شو. دغه پخوانى سرتېرى نادر جبارخېل نومېده او څه موده يې د تنې ولسوالۍ د امنيه قوماندان په توګه دنده ترسره کوله. سرچينې زياته کړې، چې د دغه پخواني سرتېري په موټر د ډزو په پايله کې د هغه د کورنۍ غړي هم ورسره وو، چې په پايله کې يې د يوې مېرمنې په ګډون دوه تنه ټپيان شول.