د افغان او ایراني چارواکي په چابهار کې د افغان سوداګرو د پانګونې په اړه خبرې اترې

د معمار پرس د خبر له مخې، د طالبانو د صنعت او سوداګرۍ وزارت اعلان کړی، چې د دې ډلې یوه پلاوي د ایران د ولسمشر له سلاکار حجت الله عبدالمالکي سره کتلي دی. د دواړو لورو تخنیکي پلاوي په چابهار ازاد زون کې د طالبانو د استازي دفتر پر پرانیستلو او په دغه بندر کې افغان سوداګرو او پانګوالو ته د اسانتیاوو د برابرولو په اړه خبرې کړې دي. د طالبانو د اعلامیې له مخې حجت الله عبدالمالکي په چابهار بندر کې له دغې ډلې سره د ایران د همکارۍ ډاډ ورکړ. په ۱۳۹۵ کال کې ایران، هند او افغانستان د دغه بندر د پراختیا لپاره درې اړخیز تړون لاسلیک کړ.