ترکمنستان ته د طالبانو د ۲۳ کسیز اقتصادي پلاوي سفر

طالبانو د افغانستان د صنایعو او سوداګرۍ وزارت د جمعې په ورځ د حوت په ۱۱مه وویل، چې د دغه وزارت یو ۲۳ کسیز پلاوی د دغه وزارت د سرپرست نورالدین عزیزي په مشرۍ عشق اباد ته تللی دی. د طالبانو د سوداګرۍ وزارت ویلي چې د دې سفر موخه د “افغان-ترکمن سوداګریزې اړیکې” د لومړي کنفرانس پرانیستل او د ګډو نندارتونونو جوړول وو. د طالبانو په پلاوي کې د افغانستان د خصوصي سکتور استازي هم شامل دي. د طالبانو پلاوی به په دغه سفر کې د ترکمنستان له چارواکو او د دغه هېواد د خصوصي سکتور له چارواکو سره هم وګوري.