د طالبانو د دفاع وزارت له ایراني چارواکو سره د سرحدي همغږۍ د غونډې د ترسره کولو اعلان وکړ

د طالبانو د دفاع وزارت نن چهارشنبه (د دلو ۲۵مه) خبر ورکړ چی د طالبانو او د ایران د اسلامي جمهوریت سرحدي چارواکو د هرات ولایت په بند اسلام کلا کې د دواړو ګاونډیو هېوادونو ترمنځ د سرحدي مسایلو او د دوه اړخیزو اړیکو د پیاوړتیا په اړه د همغږۍ غونډه وکړه. د طالبانو د دفاع وزارت اعلان کړی چې د دغې ډلې د ۲۰۷ الفارق قول اردو د پنځمې سرحدي لوا قوماندان محمد رحیم خادم او ایراني چارواکو د “همکارۍ پر پیاوړتیا او د سرحدي ننګونو” په اړه خبرې کړې دي.