د طالبانو مرکزي بانک د مس عینک پروژې د بانکي ستونزو د هواري اعلان وکړ

د طالبانو مرکزي بانک نن (د دلو ۲۴ مه) په یوه خبرپاڼه کې ویلي چې د دغه بانک مشر هدایت الله بدري د مسوعینک کان او پروسس شرکت له مشر لین بن تو سره وکتل. بدري وويل، مرکزي بانک د هېواد د مرکزي بانک په توګه ژمن دى، چې د خپلو دندو او صلاحيتونو په رڼا کې د ملي پروژو په تطبيق کې اغېزمن رول ولوبوي او د بانکي راکړو ورکړو د اسانتيا په برخه کې همکاري وکړي. دغه طالب زياته کړه چې د مس‌عينک يوه ستره ملي پروژه ده او د دې پروژې د تطبيق په وخت کې به د بانکي ستونزو د حل لپاره هر څه ژر تر ژره حل شي.