د افغانستان دفاع وزیر: سیاسي فشارونه په افغانستان کې اغېز نه لري

د معمار پرس د خبر له مخې؛ د طالبانو د دفاع وزیر ملا محمد یعقوب مجاهد دا څرګندونې په کابل کې د لویې جرګې په تالار کې د “اسلامي نظام او ملي یووالي د پیاوړتیا” په غونډه کې وکړې چی سیاسي فشارونه د افغانستان پر اوسني حکومت هیڅ اغیز نه لري. د طالبانو د دفاع وزیر ویلي چې دا فشارونه د افغان ولس او طالبانو د حکومت ترمنځ اړیکې پیاوړې کوي. د افغانستان د ملي ټلویزیون د راپور له مخې، هغه یادونه وکړه: په افغانستان کې په تیرو وختونو کې د افغانانو تر منځ د تفرقې د رامنځته کولو په موخه په بېلابېلو نومونو ډېرې پروژې پلې شوې، چې تر یوه حده بریالۍ شوې دي.