طالبان: علما د ولس په یووالي او ټینګښت کې مهم رول لري

د طالبانو د لومړي وزیر اداري مرستیال ویلي چې په افغانستان کې علما د خلکو ترمنځ د یووالي په ټینګښت کې مهم رول لوبوي. د معمار پرس د خبر له مخې؛ د طالبانو د لومړي وزير اداري مرستيال مولوي عبدالسلام حنفي د فارياب د علماوو شورا له غړو سره په کتنه کې د هېواد په شمال کې د خلکو پر بېلابېلو ستونزو خبرې وکړې. په دې کتنه کې هغه وويل: علماء د خلکو ترمنځ د اتحاد او اتفاق په ټينګښت کې مهم رول لوبوي. په دې کتنه کې د فارياب د علماوو شورا رييس حيات الله حليم وويل: ښوونه او روزنه په نننۍ نړۍ کې ډېره مهمه ده، نو د افغانستان اوسني حکومت بايد د هغې د ودې او پراختيا لپاره کار وکړي.