ایران او پاکستان د افغانستان لپاره د تماس ډلې پر جوړولو موافقه وکړه

په کابل کې د ایران ځانګړي استازي او سفیر حسن کاظمي قمي اعلان وکړ، چې پاکستان ته د خپل سفر په ترڅ کې یې له پاکستاني چارواکو سره هوکړه کړې ده چی د افغانستان ګاونډیو هېوادونو د افغانستان لپاره د سیمه ییزو تماسونو ډله جوړه کړې او د افغانستان سرپرست حکومت (طالبانو) ته یې د رغنده وړاندیزونو یوه بسته به وړاندې کړي.

په کابل کې د ایران سفیر حسن کاظمي قمي تېره شپه (دوشنبه د جدی ۲۵مه) اسلام اباد ته د خپل سفر په لړ کې د یوه پیغام په لړ کې د افغانستان له خلکو سره د مرستې په برخه کې د ایران د سیمه ییزو هڅو دوام بللی او ویلي یې دي چي د بهرنیو چارو له موقت وزیر جلیل عباس جیلاني او د افغانستان په چارو کې د پاکستان له ځانګړي استازي اصف دراني او نورو پاکستاني چارواکو سره کتلي دي.