د ایران د کډوالو ملي اداره: د کرمان د پېښې افغان شهیدان د دواړو ملتونو ترمنځ د یووالي نښه ده
د معمار پرس د خبر له مخې؛ د ایران د کډوالو د ملي ادارې د بهرنیو اتباعو او کډوالو د چارو د عمومي څانګې مشر علي اصغر بلوکیان په تهران کښې د ګلزار شهدا ترهګرې پیښې د شهیدانو د درناوي په مراسمو کښې د دې خبرې په څرګندولو سره چې د دواړو هېوادونو دښمنانو په تېر یوه کال کې د افغان کډوالو په ځانګړې توګه په سایبر فضا کې څو موجونه پیل کړي وو، چې له نېکه مرغه د خلکو په هوښیارۍ او د وروستیو شهیدانو د پاکو وینو په وسیله شنډ شول وویل: د کرمان په تروریستي برید کې د افغانانو شهیدان د دواړو ملتونو تر منځ د عملي یووالي نښه ده او پوهان، مفکرین او لیکوالان باید له دې فرصت څخه د روښانتیا لپاره استفاده وکړي. بلوکیان زیاته کړه: دا ټولو ته ثابته شوه چې هغه څوک چې د شیعه او سني د کډوالو مسله راپورته کوي ناپاک او د افغانستان او ایران دښمنان دي چې غواړي د کډوالو په منځ کې ځای پیدا کړي.