په کابل کې د ایران سفارت: په افغانستان کې د پوځي اقداماتو ملاتړ نه کوو

په کابل کې د ایران سفارت اعلان کړی چې په کابل کې د ایران سفیر او استازی حسن کاظمي قمي وايي چې دغه هېواد په افغانستان کې د هېڅ ډلې له خوا د پوځي اقدام ملاتړ نه کوي. په کابل کې د ایران سفارت د دوشنبې په شپه د جدې په ۱۸ مه په خپله ایکس پاڼه کې لیکلي دي دا موضوع په کابل کې د ایران سفیر او استازي حسن کاظمي قمي د طالبانو د صدراعظم له سیاسي مرستیال مولوي عبدالکبیر سره په کتنه کې مطرح کړه. دغه سفارت د دغې غونډې په اړه ليکلي دي: لکه څنګه چې د لومړي وزیر له سیاسي مرستیال [طالبانو] سره په کتنه کې څرګنده شوه، ایران به د دې هېواد د ځمکنۍ بشپړتیا پر ضد د هېڅ ډلې له خوا د پوځي اقدام ملاتړ ونه کړي.